Thaqi ka një kërkesë për Komunën dhe Ballkanin: Ne stërvitemi në një fushë në Korishë, me të ardhë keq

Trajneri i Suharekës, Arsim Thaqi, ka thënë se gjendja e fushës ku stërvitet skuadra e tij në Korishë nuk është aspak e mirë.

Në emisionin ‘Dueli Sportiv’ në RTV Dukagjini, Thaqi ka thënë se në këtë situatë Ballkani është dashur të krijojë më shumë mundësi për klubin e Suharekës, për të shfrytëzuar stadiumin e qytetit.

“Ne stërvitemi në një fushë në Korishë ku është me të ardhur keq, për investimet që janë bërë, dheu ka rrëshqitur dhe e ka mbuluar një pjesë të fushës. Është e pamundshme të shfrytëzohet ajo hapësirë e fushës, pasi një pjesë është e mbuluar. Ne kemi shumë kërkesa te Ballkani, nuk i akuzoj, e di se i kanë edhe ata gjërat e veta, por situatën në çfare është Suhareka ndoshta është dashur të gjejë edhe pak më tepër mundësi në këtë drejtim. Ajo që ka bërë Ballkani për Suharekën ia ka lejuar një pjesë të tribunës, që Suhareka me investu vetë te pjesa e garderobës, te pjesa e zyrave. Klubi po i bënë ato investime me mjete të veta,” tha ai.

Lexo edhe:  Koeficientët e çuditshëm të kompanisë gjigante të basteve për duelin Ballkani - Sivasspor

Sipas tij, janë në një situatë shumë të vështirë të gjejnë hapësirë të lirë kohore në stadiumin e qytetit në Suharekë.

“Realisht, ne jemi në një situatë ku duhet me gjetë hapësira të lira t’i bëjmë dy stërvitje në javë në atë fushën sintetike të Ballkanit, për shkak se ata kanë klubin e vetë, akademinë e vetë dhe normal që e kemi shumë vështirë,” tha Arsim Thaqi.