Kosova U21 ndalet nga Moldavia, përfundon pa gola miqësorja e parë e këtij grumbullimi
Kosova ka barazuar 0-0 kundër Moldavisë U21.
Edhe pse dominuan “dardanët” nuk arritën kurrsesi që t’i zhbllokonin shifrat e rezultatit. Rastet më të mira u shfaqën në pjesën e dytë, por mungoi konkretizimi. Më poshtë mund ta lexoni kronologjinë me momentet kryesore të takimit.
_____________________________________________________________________________________________________________
FT’ Kosovë U21 0-0 Moldavi U21
_____________________________________________________________________________________________________________
KOMENTIMI I DREJTPËRDREJTË
FT’ Përfundon ndeshja. Kosova U21 mjaftohet me barazim kundër Moldavisë U21.
90′ Mbaron koha e rregullt. Ndeshja hyn në minutat shtesë.
80′ Vijon dominimi i Kosovës, por pa qenë shumë konkrete.
77′ Rezultati vijon të mbetet i pazhbllokuar.
70′ Kosova rrezikon me dy goditje të njëpasnjëshme.
67′ Avdyli i afrohet golit. Goditja e tij përfundon fare pranë shtyllës së parë.
65′ Kosova është rikthyer të sulmojë, por moldavët po qëndrojnë mirë në pozicionet e veta.
58′ Fazë e zbehtë loje nga Kosova. Pa ritëm dhe pa aksione konkrete.
50′ Moldavia është ajo që po sulmon më shumë gjatë 5 minutave të fundit.
46′ Ka nisur pjesa e dytë.
HT: Mbyllet pjesa e parë. Nuk pati ndonjë rast të 100% nga ekipi “dardan”.
37′ Ka rënie të ritmit të lojës. Kosova është dominuese.
33′ Fazë e zbehtë loje. Përzgjedhësi kosovar kërkon më shumë përgjegjësi dhe ritëm nga mesfushorët.
29′ Kosova proteston ashpër pasi Tahiri u rrëzua nga portieri kundërshtar jashtë 16-metërshit. Pavarësisht gjithash, gjyqtari nuk dha karton të kuq.
21′ Tovërlani kërkon nga lojtarët që të bashkëpunojnë më shumë me Tushën, për ta përdorur kështu shpejtësinë e tij.
20′ Akoma nuk ka ndonjë shkëndijë nga kjo ndeshje. Tovërlani po urdhëron që të dilet të mos humbën lehtë topat.
10′ Ndeshje e barabartë. Asnjëri ekip nuk po arrin të krijojë raste shënimi.
5′ Duele e starte të ashpra nga të dy anët.
1′ Ka nisur me një minutë heshtje ndeshja. Topin e parë e luajtën “dardanët”.
____________________________________________________________________________________________________________
Nga ora 15:00 ka nisur takimi miqësor mes Kosovës U21 dhe Moldavisë U21, i cili zhvillohet në Antalya. Kjo njëherit është miqësorja e parë në kuadër të këtij grumbullimi.
Futbollikosovar.net. ka arritur ta sigurojë 11-shen startuese me të cilën ‘Toki’ do t’u kundërvihet moldavëve.
Formacioni zyrtar: Ndreca; Letaj, Zumberi (kapiten), Hasani, Statovci, Rexhaj; Emërllahu, Neziri; Avdyli, Tusha, Tahiri